آه من هم الفراق وعيشة الغربة
آه من برد الشتى وأشواق وجداني
يا زمن عود بساعة طالبك طلبه
لين أجاوب يا زمانِ فنجاني
جاء يصارع للوصل ظروفه الصعبة
جا يبي يسعف خفوقِ طاح ضمياني
وقلبي اللي من فقدته مشعلٍِ حربه
كل ما سجيت عنه قام ينخاني
كم شعور في صميم الذات مضطرة
وكم بيوت من بحور الشعر تنصاني
واللحون اللي تجي بلساني العذبة
تستبيح الدمع كله بين الأعيان
الفضا ضايق علي من شرقه وغربه
من فقد بالوقت ربعه عاف الأوطان
ياهلي كيف الوصل دام القدر غربة
والله أعلم وين وضعي ووين ميداني
ما رحلت من الديار ورفقة الصحبة
إلا وأنا ناوي بالمجد عنواني
بتعزوى في كريم يجلي الكربة
الحليم اللي هداني خمس الأركاني
انت واحد وأنا واحد خايفين ربه
وانت ربّي عالمِ حسني وعصياني